ԱՖՈՐԻԶՄՆԵՐ` ԵՐՋԱՆԿՈՒԹՅԱՆ ՄԱՍԻՆ

Երջանիկ է նա, ով կարող է հավատարիմ մնալ իրեն։

ԳԱԳԵԴՈՐՆ

Երջանկության իսկական արժեքն իմանում են միայն այն ժամանակ, երբ այն արդեն անհետացել է։
ԶԱՆԴԵՐՍ

Երջանկությունից մարդիկ ավելի են հիմարանում, քան` դժբախտությունից։

ԼՅՈՒԹԵՐ

Երջանկությունը նման է արեգակի։ Որպեսզի մարդու համար լավ լինի, հարկավոր է գոնե ոչ մեծ ստվեր։

ԼՅՈՒԴՎԻԳ

Ինչպես մարդկանց երջանկությունը, այնպես էլ դժբախտությունը, կախված է ոչ միայն արտաքին հանգամանքներից, այլև` յուրաքանչյուր մարդու հոգեվիճակից։
ԼԱՌՈՇ ՖՈՒԿՈ

Մարդու համար չկա ավելի մեծ երջանկություն, քան ամբողջ հոգով որևէ բանին տրվելը։

ԿԼՈԴԵԼ

Պարապությունը երեխաների երջանկությունն է ու ծերերի դժբախտությունը։

ՀՅՈՒԳՈ

Ուրիշի երջանկությունը մեզ միշտ չափազանցված է երևում։

ՄՈՆՏԵՍՔՅՈ

Մարդը որքան ավելի երջանիկ է, այնքան ավելի քիչ է ուշադրություն հատկացնում իր երջանկությանը։

ՄՈՐԱՎԻԱ

Մեծ բախտավորություն է դժբախտություն չիմանալը։

ՇԵՖԵՐ

Երջանիկ պատահականությունները սակավ են հանդիպում, իսկ դրանց օգտագործել իմացող մարդիկ` ավելի սակավ։

ՀԵՆՐԻ ՇՈՈՒ

Եթե երբևէ` հետամուտ լինելով երջանկությանը, դուք նրան գտնեք, ապա ակնոցը փնտրող պառավի նման դուք կհայտնաբերեք, որ այն միշտ եղել է ձեր քթին։

ՀԵՆՐԻ ՇՈՈՒ

Երջանիկ է այն կյանքը, որը սկսվում է սիրուց ու ավարտվում` կրքով։

ՊԱՍԿԱԼ

Որքան ավելի երջանիկ է ժամանակը, այնքան այն ավելի կարճ է։

ՊԼԻՆԻՈՍ ԿՐՏՍԵՐ

Մարդու կյանքը լի է երջանկությամբ` գլխավորապես նրա համար, որ մշտապես նա սպասում է, թե այն շուտով կլինի այդպիսին։

ԷԴԳԱՐ ՊՈ

Նա, ում երջանկությունը չափից դուրս է երես տալիս, դառնում է տխմար։

ՊԱԲԻԼԻՈՍ ՍԻՐՈՍ

Նա չէ երջանիկ, ով այդպիսին է թվում ինչ-որ մեկին, այլ նա, ով իրեն զգում է այդպիսին։

ՊԱԲԻԼԻՈՍ ՍԻՐՈՍ

Երջանկությունն ավելի դյուրին է գտնել, քան պահպանել։
ՊԱԲԻԼԻՈՍ ՍԻՐՈՍ

Դժբախտությունը երբեք չի ընկճի նրան, ում չի խաբել երջանկությունը։

ԲԵՆ ՋՈՆՍՈՆ

Եթե դու չես կարողանում օգտվել բախտից, երբ նա ինքը լողում է դեպի քո ձեռքը, մի տրտնջա, եթե նա անցնում է կողքով։

ՍԵՐՎԱՆՏԵՍ

Կույր է ոչ միայն երջանկության աստվածուհին` ֆորտունան, նա հաճախ կույր է դարձնում և նրանց, ում երջանկացնում է։ ՑԻՑԵՐՈՆ

Բարձրագույն է լինում միայն այն երանությունը, որը հառնել է հուսահատության ծայրագության խորքերից։

ՍՏԵՖԱՆ ՑՎԱՅԳ

Տխմարը երջանկությունը փնտրում է հեռուներում, իմաստունն այն աճեցնում է իր կողքին։

ՕՊԵՆՀԵՅՄ

Մենք ամենից հաճախ երջանկություն ենք կոչում այն, ինչ ինքներս չենք փորձել։

ՖՐԱՆՍ