ԻՆՉՊԵ՞ Ս ՆՐԱՆ ԿՈՂՔԻՍ ՊԱՀԵՄ

 Տարիներ շարունակ ապրել ես նույն մարդու հետ և ամեն ինչ արդեն հոգնեցրել է քեզ, փոփոխությունների ես ձգտում, բայց ոտքերդ ու ձեռքերդ կապված են ընտանեկան հոգսերով: Ստիպված սիրուհի կամ սիրեկան ես փնտրում կյանքդ թեթևացնելու, փոքր ինչ հետաքրքիր դարձնելու համար: Արդյունքում կարող ես վտանգել ու կորցնել ամեն ինչ:

Ինչո՞ ւ է այսպես, մի՞ թե հնարավոր չէ մի ամբողջ կյանք ապրել միևնույն մարդու կողքին, միշտ սիրել ու սիրված լինել: Այս ամենի համար նախ՝ փոխադարձ ուշադրություն և նրբանկատություն է անհրաժեշտ: Այլապես մի օր քնից կարթնանաս ու կտեսնես, որ սիրածդ էակը այլևս կողքիդ չէ, կսկսես անցյալդ վերանայել, և, ցավոք, կարձանագրես, որ արդեն ուշ է:

Կնոջ աշխարհը քեզ կօգնի այս հարցում: Ներկայացնում ենք 25 ամենաթեժ խորհուրդները սիրածդ մարդուն կողքիդ պահելու համար.

1.Մի մոռացեք, որ տղամարդու համար ամենից գլխավորն  այն է, որ համոզված լինի, թե դուք իրեն՝  տան տղամարդուն, ձեզանից խելացի, ինքնուրուն և ձեր տերն եք համարում:

2. Ձեր ամուսնու ներկայությամբ ուրիշ տղամարդկանց հետ երկար խոսակցություն մի սկսեք:

3. Քիչ բողոքեք ձեր ամուսնուն, նրա ուշադրությունը մի կենտրոնացրեք ձեր վրա, այսպիսի կանանցից ուղղակի փախչում են:

4. Գովաբանեք ձեր սիրած էակին, վստահություն ներշնչեք սեփական ուժերի նկատմամբ, սիրալիր եղեք նրա հետ, և հաճախ ասեք, որ սիրում եք նրան:

5. Տղամարդը միշտ ցանկանում է, որ կինը գեղեցիկ, կանացի լինելուց բացի, լինի նաև համեստ ու ամոթխած, ինչի շնորհիվ կինը տղամադու համար կդառնա սիրելի ու պաշտելի:

6. Եթե ձեր սիրելին ցանկանում է համբուրել ձեզ միշտ ուրախ վերաբերվեք դրան, անգամ, եթե տրամադրություն չունեք:

7. Միշտ ուշադիր և նրբանկատ գտնվեք ձեր ամուսնու հանդեպ, ամենակարևորը կարողացեք լսել նրան:

8. Եթե պարզեք, որ նա հրապուրված է մեկ ուրիշ կնոջով, հանդիպում է նրան, երբեք ցույց մի տվեք, որ գիտեք այդ մասին: Աշխատեք նրա սերը վերադարձնել սիրո և հավատի շնորհիվ:

9. Ձեր սիրելիի ներկայությամբ աշխատեք միշտ բարձր տրամադրություն ունենալ, միշտ ժպտացեք, եթե անգամ ուզում եք լաց լինել:

10. Ձգտեք դառնալ ավելի մաքրասեր: Փնթիությունn ու թափթփվածությունը կարող են պատճառ հանդիսանալ, որ նա մեկ ուրիշին փնտրի ու լքի ձեզ:

11. Աշխատեք լինել ավելի կանացի և սեքսուալ, երբ մենակ եք և ոչ ոք ձեզ չի խանգարում: 

12. Ձեր ամունու համար եղեք կուրտիզանուհի, իսկ այլ տղամարդկանց համար՝  միշտ անհասանելի:

13. Հագնվելիս հաշվի առեք ոչ միայն շրջապատի, այլ ամենից առաջ ձեր սիրելիի կարծիքը, երբեք մի հագեք այնպիսի զգեստ, որ նրան դուր չի գալիս:

14. Ձեր ամուսնուն երբեմն հաճոյախոսություն արեք, անպայման լսեք նրա խորհուրդները:

15. Հետաքրքրվեք նրա աշխատանքով, մասնագիտությամբ, ընդգծելով, որ ամենից կարևորը համարում եք նրա գործը՝  ձերը մղելով երկրորդական պլան:

16. Ձեր սիրած էակին երեխաների ներկայությամբ մի հանդիմանեք:

17. Նրան հանդիմանելու փոխարեն երբեմն կարելի է լաց լինել, բայց առանց ավելորդ տեսարանների:

18. Ուրիշների ներկայությամբ ձեր ամուսնուն փաղաքշական բառերով մի դիմեք:

19. Առանց ասելու մի վերցրեք ձեր ամուսնու անձնական իրերը, եթե անգամ դրանք պետք են ձեր տղային:

20. Մի փորփրեք ձեր սիրելիի գրպանները կամ բջջային հեռախոսը, մի հսկեք կամ հետևեք նրան, հարազատ մարդուն վերահսկելը չափազանց վիրավորական է:

21. Այնպիսի հյուրերի մի հրավիրեք, որոնց ձեր ամուսինը չի սիրում մի ընդունեք, այնպիսի հրավեր, որը նրա սրտով չէ

22. Մի խոսեք ձեր արժանիքների մասին, դա թող անեն ուրիշները:

23. Եթե երկրորդ անգամ եք ամուսնացել, երբեք մի խոսեք ձեր նախկին ամուսնու մասին և առավել ևս նրանց մի համեմատեք:

24. Ձեր ամուսնուն հաճախ ասեք, որ սիրում և հարգում եք նրա ծնողներին, երբեք անտեղի մի վիճեք նրանց հետ:

25. Աշխատեք երեխաների մեջ հոր նկատմամբ սերմանել սեր և հարգանք:

Հետևեք մեր խորհուրդների, աշխատեք ձեր կյանքը երջանիկ դարձնել, սիրած գործի մեջ ուղղակի < թաղվելով>, հավատացեք դուք ուղղակի ժամանակ չեք ունենա մտածելու երջանի՞ կ եք, թե՝  ոչ: